સોનાના ભાવમાં  મોટો કડાકો! મધ્યમ વર્ગ માટે દિવાળી જેવો માહોલ, જાણો તમારા શહેરનો લેટેસ્ટ ભાવ

જો તમે સોનામાં રોકાણ કરવાનું કે ઘરેણાં ખરીદવાનું વિચારી રહ્યા છો, તો તમારા માટે અત્યાર સુધીના સૌથી શ્રેષ્ઠ સમાચાર સામે આવ્યા છે. આજે એટલે કે 20 March 2026 ના રોજ ભારતીય બુલિયન માર્કેટમાં (Bullion Market) સોનાના ભાવમાં મસમોટો ઘટાડો નોંધાયો છે. જાન્યુઆરીમાં આસમાને પહોંચેલા ભાવમાં હવે પ્રોફિટ બુકિંગ (Profit Booking) અને વૈશ્વિક કારણોસર મોટો ઘટાડો જોવા મળતા જ્વેલરી શોરૂમ્સમાં ગ્રાહકોની ભારે ભીડ ઉમટી પડી છે.

શા માટે સોનું સસ્તું થયું?

નિષ્ણાતોના મતે, આંતરરાષ્ટ્રીય બજારમાં (International Market) અમેરિકાના ફેડરલ રિઝર્વ દ્વારા વ્યાજ દરો અંગે લેવાયેલા કડક વલણ અને મજબૂત થતા ડોલરને કારણે રોકાણકારો સોનામાંથી નાણાં પાછા ખેંચી રહ્યા છે. આ ઉપરાંત, વૈશ્વિક સ્તરે ક્રૂડ ઓઈલની વધતી કિંમતોએ પણ રોકાણકારોના સેન્ટિમેન્ટ પર અસર કરી છે. નોંધનીય છે કે ગત 19 March ના રોજ જ સોનામાં 7,000 રૂપિયાનો ઐતિહાસિક કડાકો જોવા મળ્યો હતો, જે હાલના સમયનો સૌથી મોટો ઘટાડો માનવામાં આવે છે.

 દેશના મુખ્ય શહેરોમાં 24 કેરેટ સોનાનો આજનો ભાવ 

ભારતના વિવિધ મહાનગરોમાં સોનાના ભાવમાં થયેલો ઘટાડો નીચે મુજબ છે:

• દેશની રાજધાની દિલ્હીમાં 24 કેરેટ સોનાનો લેટેસ્ટ ભાવ 1,50,420 રૂપિયા પ્રતિ 10 ગ્રામ છે.

• આર્થિક નગરી મુંબઈમાં સોનાનો ભાવ ઘટીને 1,50,270 રૂપિયા પ્રતિ 10 ગ્રામ પર પહોંચ્યો છે.

• અમદાવાદમાં સોનાના રસિયાઓ માટે સારા સમાચાર છે, અહીં ભાવ 1,50,320 રૂપિયા પ્રતિ 10 ગ્રામ નોંધાયો છે.

• દક્ષિણ ભારતના ચેન્નાઈમાં સોનાની કિંમત 1,50,270 રૂપિયા પ્રતિ 10 ગ્રામ પર સ્થિર થઈ છે.

• કોલકાતા અને પુણેમાં પણ સોનાના ભાવમાં સામ્યતા જોવા મળી છે, જ્યાં ભાવ 1,50,270 રૂપિયા પ્રતિ 10 ગ્રામ રહ્યો છે.

• આઈટી હબ બેંગલુરુ અને નાગપુરમાં ગ્રાહકોને સોનું 1,50,270 રૂપિયા પ્રતિ 10 ગ્રામના ભાવે મળી રહ્યું છે.

• દક્ષિણમાં કોચ્ચિ અને ભુવનેશ્વરમાં પણ સોનાનો લેટેસ્ટ ભાવ 1,50,270 રૂપિયા પ્રતિ 10 ગ્રામ પર રહ્યો છે.

• ઝારખંડની રાજધાની રાંચી અને ગુવાહાટીમાં સોનાનો ભાવ 1,50,420 રૂપિયા પ્રતિ 10 ગ્રામ નોંધાયો છે.

લગ્નસરાની ખરીદી માટે સુવર્ણ તક 

સોનાના ભાવમાં (Gold Prices) ઘટાડો થતા જ જ્વેલરી માર્કેટમાં રોનક પરત ફરી છે. જે પરિવારોમાં આગામી સમયમાં લગ્ન કે અન્ય સામાજિક પ્રસંગો છે, તેઓ આ તકને હાથમાંથી જવા દેવા માંગતા નથી. લગ્નસરાની સિઝન (Wedding Season) પૂર્વે જ કિંમતો નીચે આવતા ગ્રાહકો અત્યારથી જ એડવાન્સ બુકિંગ અને ઘરેણાંની ખરીદી કરી રહ્યા છે. બજારના જાણકારોનું માનવું છે કે જો વૈશ્વિક સ્થિતિ આવી જ રહેશે તો આગામી દિવસોમાં ભાવમાં હજુ પણ થોડો ઘટાડો જોવા મળી શકે છે.

આ પણ વાંચો : ઉત્તર કોરિયામાં ‘નામની’ ચૂંટણી! Kim Jong Un નો 100% બેઠકો પર વિજય, જાણો અજીબ કિસ્સાઓ