Donald Trump Ultimatum to Iran : વિશ્વ અત્યારે ત્રીજા વિશ્વયુદ્ધના ઉંબરે આવીને ઊભું હોય તેવી સ્થિતિ સર્જાઈ છે. અમેરિકી રાષ્ટ્રપતિ ડોનાલ્ડ ટ્રમ્પે ઈરાન પ્રત્યે અત્યંત આક્રમક વલણ અપનાવતા તેને ખુલ્લી ચેતવણી આપી દીધી છે. ટ્રમ્પે સ્પષ્ટ શબ્દોમાં ઈરાનને 48 કલાકનું અલ્ટીમેટમ (Donald Trump Ultimatum to Iran) આપતા કહ્યું છે કે, કાં તો ઈરાન હોર્મુઝ સ્ટ્રેટનો દરિયાઈ માર્ગ ખોલી દે અથવા પોતાનું અસ્તિત્વ મિટાવવા તૈયાર રહે.
21 શક્તિશાળી દેશોની ઈરાન વિરુદ્ધ મોરચાબંધી (Global Pressure)
આ માત્ર અમેરિકાની ધમકી નથી, પરંતુ હવે સમગ્ર વિશ્વ ઈરાન વિરુદ્ધ એક થઈ ગયું છે. બ્રિટન, ફ્રાન્સ, જર્મની, જાપાન અને કેનેડા સહિત કુલ 21 દેશોએ ઈરાન સામે સૈન્ય અને કૂટનીતિક લડાઈ લડવાનો સંકલ્પ કર્યો છે. સંયુક્ત આરબ અમીરાત (UAE) એ પણ અન્ય દેશો સાથે મળીને ઈરાન દ્વારા તેલ ટેન્કરો પર કરવામાં આવતા હુમલાની સખત નિંદા કરી છે.
( @realDonaldTrump – Truth Social Post )
( Donald J. Trump – Mar 21 2026, 7:44 PM ET )If Iran doesn’t FULLY OPEN, WITHOUT THREAT, the Strait of Hormuz, within 48 HOURS from this exact point in time, the United States of America will hit and obliterate their various POWER… pic.twitter.com/4VTtYjplGc
— Donald J Trump Posts TruthSocial (@TruthTrumpPost) March 21, 2026
ટ્રમ્પનો ઈરાન પર સીધો પ્રહાર:
-
સૈન્ય પાયમાલી: ટ્રમ્પનો દાવો છે કે ઈરાનની નૌકાદળ અને વાયુસેના હવે યુદ્ધ લડવા સક્ષમ નથી.
-
અંધકારનું સંકટ: જો ઈરાન નહીં માને તો અમેરિકા અને ઈઝરાયેલ (Israel) મળીને તેના પાવર પ્લાન્ટ્સ તોડી પાડશે.
-
કોઈ સમજૂતી નહીં: ટ્રમ્પે સ્પષ્ટ કર્યું છે કે તેઓ હવે કોઈ પણ પ્રકારની સમજૂતી કરવાના મૂડમાં નથી.
તેલના કુવાઓ પર જોખમ અને વૈશ્વિક સંકટ (Crude Oil Crisis)
પરિણામે, સમગ્ર વિશ્વમાં કાચા તેલનું સંકટ (Crude Oil Crisis) ઘેરું બન્યું છે. હોર્મુઝ સ્ટ્રેટ એ વિશ્વનો સૌથી મહત્વનો તેલ માર્ગ છે, જ્યાંથી દરરોજ લાખો બેરલ તેલ પસાર થાય છે. અમેરિકાએ ઈરાન પરના પ્રતિબંધોમાં થોડી ઢીલ આપી હતી જેથી બજારમાં તેલની સપ્લાય વધી શકે, પરંતુ ઈરાને વધારાનું તેલ આપવાનો સાફ ઈનકાર કરી દીધો છે. ઈરાની તેલ મંત્રાલયના જણાવ્યા અનુસાર, યુદ્ધની અસ્થિરતાને કારણે તેઓ અત્યારે નિકાસ વધારી શકે તેમ નથી. હાલમાં ઈરાનના તેલનો 90% હિસ્સો ચીન (China) ખરીદી રહ્યું છે.
આ પણ વાંચો : LPG ગેસની અછત વચ્ચે સરકારનો માસ્ટરસ્ટ્રોક, 23 માર્ચથી બદલાશે સપ્લાયના નિયમો!