Mojtaba Khamenei Injured : ઈરાનના સર્વોચ્ચ નેતા અયાતુલ્લા અલી ખામેનેઈના પુત્ર અને સંભવિત ઉત્તરાધિકારી મોજતબા ખામેનેઈ (Mojtaba Khamenei) ને લઈને ચોંકાવનારા અહેવાલો સામે આવ્યા છે. ‘ન્યૂયોર્ક ટાઈમ્સ’ (New York Times) ના એક રિપોર્ટ અનુસાર, 28 ફેબ્રુઆરીના રોજ અમેરિકા અને ઈઝરાયેલ (Israel) ની સેના દ્વારા કરવામાં આવેલી ભીષણ એર સ્ટ્રાઈકમાં મોજતબા ગંભીર રીતે ઘાયલ થયા છે. હાલમાં તેઓ કોઈ ગુપ્ત ઠેકાણે જીવન-મરણ વચ્ચે ઝોલા ખાઈ રહ્યા હોવાનું મનાય છે.
શરીરના અનેક અંગોમાં ગંભીર ઈજાઓ (Severe Injuries Details)
રિપોર્ટમાં દાવો કરવામાં આવ્યો છે કે આ હુમલામાં મોજતબા ખામેનેઈના એક પગમાં ગંભીર ઈજા થઈ હતી, જેના કારણે અત્યાર સુધીમાં ત્રણ ઓપરેશન (Surgery) કરવામાં આવ્યા છે. ડૉક્ટરો તેમને કૃત્રિમ પગ (Prosthetic Leg) લગાવવા પર વિચાર કરી રહ્યા છે. માત્ર પગ જ નહીં, પણ વિસ્ફોટની ઝપેટમાં આવવાને કારણે તેમનો ચહેરો અને હોઠ ગંભીર રીતે દાઝી ગયા છે, જેને કારણે તેમને બોલવામાં ભારે તકલીફ પડી રહી છે. તેમના હાથની પણ સર્જરી થઈ છે અને આગામી સમયમાં પ્લાસ્ટિક સર્જરી (Plastic Surgery) ની જરૂર પડી શકે છે.
IRGC ના હાથમાં દેશની કમાન (IRGC Power Transition)
મોજતબાની તબિયત લથડતા ઈરાનની વાસ્તવિક સત્તા હવે ઇસ્લામિક રિવોલ્યુશનરી ગાર્ડ કોર્પ્સ (IRGC) ના જનરલોના હાથમાં સરકી ગઈ છે. રાષ્ટ્રપતિ મસૂદ પેજેશ્કિયન (Masoud Pezeshkian), જે પોતે હાર્ટ સર્જન છે, તેઓ અંગત રીતે મોજતબાની દેખરેખ રાખી રહ્યા છે. ઈઝરાયેલના સંભવિત હુમલાના ડરથી તેમનું લોકેશન અત્યંત ગુપ્ત રાખવામાં આવ્યું છે.
લેખિત સંદેશા દ્વારા ચાલે છે શાસન (Communication Method)
હુમલા બાદ મોજતબાએ કોઈ ઓડિયો કે વીડિયો જાહેર કર્યો નથી. તેઓ માત્ર લેખિત સંદેશાઓ (Written Messages) દ્વારા જ નિર્ણયો લઈ રહ્યા છે. આ સંદેશાઓ પહોંચાડવાની પદ્ધતિ પણ ખૂબ જૂની અને સુરક્ષિત છે; વફાદાર કુરિયર દ્વારા મોટરસાઈકલ કે કારમાં ગુપ્ત રસ્તેથી લિફાફા પહોંચાડવામાં આવે છે. આ તમામ ઘટનાક્રમ ઈરાનમાં મોટા સત્તા પરિવર્તન તરફ ઈશારો કરી રહ્યો છે.
આ પણ વાંચો : E85 Ethanol Fuel Rules: શું દારૂથી ગાડી ચાલી શકે? હા, ભારત સરકાર લાવી રહી છે આ ક્રાંતિકારી ટેકનોલોજી!