સ્પોર્ટ્સ ડેસ્ક: આઈપીએલ (IPL 2026) માં વિરાટ કોહલી (Virat Kohli) નું ફોર્મ તેની કારકિર્દીના શ્રેષ્ઠ તબક્કા જેવું જ જોવા મળી રહ્યું છે. બેંગ્લુરુના એમ. ચિન્નાસ્વામી સ્ટેડિયમ ખાતે ગુજરાત ટાઇટન્સ સામેની મેચમાં કોહલીએ ઈતિહાસ રચી દીધો છે. પોતાની ઈનિંગનો પ્રથમ ચોગ્ગો (Boundary) ફટકારતાની સાથે જ વિરાટ કોહલી આઈપીએલ ઈતિહાસમાં 800 ચોગ્ગા પૂરા કરનારો વિશ્વનો પ્રથમ અને એકમાત્ર બેટ્સમેન બની ગયો છે. અત્યાર સુધી શિખર ધવન (768 ચોગ્ગા) આ લિસ્ટમાં મોખરે હતા, પરંતુ કોહલીએ હવે તેમને ઘણા પાછળ છોડીને એક નવી ઊંચાઈ હાંસલ કરી છે.
સિક્સર કિંગ્સની ક્લબમાં વિરાટની એન્ટ્રી (Sixes Record in IPL)
માત્ર ચોગ્ગા જ નહીં, વિરાટ કોહલીએ તેની આક્રમક બેટિંગથી છગ્ગાના લિસ્ટમાં પણ મોટું સ્થાન મેળવ્યું છે. સ્પિનર રાશિદ ખાનની બોલ પર ગગનચુંબી છગ્ગો ફટકારીને કોહલીએ આઈપીએલ કરિયરમાં પોતાના 300 છગ્ગા (300 Sixes in IPL) પૂર્ણ કર્યા છે. આ માઈલસ્ટોન હાંસલ કરનાર તે ભારતનો બીજો અને વિશ્વનો ત્રીજો ખેલાડી બન્યો છે. આ યાદીમાં માત્ર ક્રિસ ગેલ (357) અને રોહિત શર્મા (310) જ કોહલીથી આગળ છે. કોહલીએ પોતાની 274મી મેચ અને 266મી ઈનિંગમાં આ અદ્ભુત સિદ્ધિ મેળવી છે.
Had to be him. Because he is HIM. 🥶🔥 pic.twitter.com/QIBQwAve1c
— Royal Challengers Bengaluru (@RCBTweets) April 24, 2026
9,000 રનનો ઐતિહાસિક આંકડો અને કિંગ કોહલી (Most Runs in IPL)
વિરાટ કોહલી આઈપીએલના ઈતિહાસમાં સૌથી વધુ રન બનાવનાર ખેલાડી છે. હવે તે 9,000 રનના જાદુઈ આંકડા (9,000 Runs Milestone) થી માત્ર થોડા જ રન દૂર છે. કોહલીના નામે આઈપીએલમાં રેકોર્ડ 8 સદી અને 65 અર્ધસદી નોંધાયેલી છે. આઈપીએલ 2026 ની વર્તમાન સીઝનમાં પણ કોહલી ઓરેન્જ કેપની રેસમાં સૌથી આગળ જોવા મળી રહ્યો છે. છેલ્લી 7 મેચોમાં તેણે 250 થી વધુ રન બનાવીને પોતાની બેટિંગની ક્ષમતા ફરી પુરવાર કરી છે.
ચિન્નાસ્વામી સ્ટેડિયમનો બાદશાહ
વિરાટ કોહલી માટે બેંગ્લુરુનું આ સ્ટેડિયમ હંમેશા ખાસ રહ્યું છે. અહીંના દર્શકોનો પ્રેમ અને કોહલીનો ઉત્સાહ એક અલગ જ ઉર્જા પેદા કરે છે. ગુજરાત સામેની મેચમાં તેણે જે રીતે ડ્રાઈવ્સ અને પુલ શૉટ્સ રમ્યા, તે જોઈને ક્રિકેટ નિષ્ણાતો પણ આફરીન પોકારી ગયા હતા. આઈપીએલની શરુઆતથી જ એક જ ફ્રેન્ચાઈઝી (RCB) તરફથી રમનાર કોહલીએ વફાદારી અને સાતત્યતાનું ઉત્તમ ઉદાહરણ પૂરું પાડ્યું છે.
આ પણ વાંચો : શું Mumbai Indians માટે IPL 2026 ખતમ? CSK સામેની હાર બાદ કેપ્ટન Hardik Pandya ખોલ્યા રાઝ