Jasprit Bumrah Injury Update : આઈપીએલ 2026 (IPL 2026) નો શંખનાદ થવાને હવે ગણતરીના કલાકો જ બાકી છે. ક્રિકેટ રસિયાઓ વાનખેડે સ્ટેડિયમમાં ‘મુંબઈ-મુંબઈ’ ના નારા લગાવવા આતુર છે, પરંતુ આ ઉત્સાહની વચ્ચે મુંબઈ ઇન્ડિયન્સ (Mumbai Indians) ના ખેમામાંથી એક એવા સમાચાર આવી રહ્યા છે જેણે નીતા અંબાણીથી લઈને કેપ્ટન હાર્દિક પંડ્યા સુધીના તમામની ઊંઘ ઉડાવી દીધી છે. ટીમનો સૌથી ધારદાર બોલર અને ‘યોર્કર કિંગ’ ગણાતો જસપ્રીત બુમરાહ (Jasprit Bumrah) હજુ સુધી ટીમ સાથે જોડાયો નથી.
વાનખેડેને બદલે સેન્ટર ઓફ એક્સેલન્સમાં કેમ?
સામાન્ય રીતે આઈપીએલ શરૂ થવાના અઠવાડિયા પહેલા તમામ ખેલાડીઓ પોતાની ફ્રેન્ચાઇઝીના કેમ્પમાં પરસેવો પાડતા હોય છે. મુંબઈ ઇન્ડિયન્સનો પ્રેક્ટિસ કેમ્પ (Practice Camp) મુંબઈના વાનખેડે સ્ટેડિયમમાં પૂરજોશમાં ચાલી રહ્યો છે. સૂર્યકુમાર યાદવની સિક્સરો અને હાર્દિક પંડ્યાની ઓલરાઉન્ડ પ્રેક્ટિસ જોવા મળી રહી છે, પરંતુ જસપ્રીત બુમરાહ ત્યાં ગેરહાજર છે.
સૌથી વધુ ચોંકાવનારી વિગત એ છે કે બુમરાહ હાલમાં બેંગલુરુ સ્થિત બીસીસીઆઈના સેન્ટર ઓફ એક્સેલન્સ (BCCI Center of Excellence) માં જોવા મળ્યો છે. નિયમ મુજબ, કોઈપણ સ્ટાર ખેલાડી આ સેન્ટર પર ત્યારે જ જાય છે જ્યારે તે ઈજાગ્રસ્ત હોય અથવા તેને ફિટનેસ ટેસ્ટ પાસ કરવાનો હોય. શું ટી-20 વર્લ્ડ કપ 2026 ના થાકને કારણે બુમરાહની જૂની પીઠની ઈજા ફરી ઉથલી છે? આ સવાલ અત્યારે સોશિયલ મીડિયા પર ટોક ઓફ ધ ટાઉન બન્યો છે.
મુંબઈની બોલિંગ લાઇનઅપમાં મોટું ગાબડું
જો જસપ્રીત બુમરાહ (Jasprit Bumrah Injury Update) ખરેખર ઈજાગ્રસ્ત હોય અને શરૂઆતની મેચો ગુમાવે, તો મુંબઈ ઇન્ડિયન્સ માટે આ ‘ભૂકંપ’ સમાન સાબિત થશે. ટીમના અન્ય મુખ્ય બોલર ટ્રેન્ટ બોલ્ટે લાંબા સમયથી સ્પર્ધાત્મક ક્રિકેટ રમી નથી, જેના કારણે તેની લય પર સવાલો છે. આવી સ્થિતિમાં બુમરાહનું ન હોવું એટલે મુંબઈની બોલિંગમાં ધાર ઓછી થઈ જવી.
ટીમની વર્તમાન સ્થિતિ:
-
કેપ્ટન હાર્દિક પંડ્યા (Hardik Pandya): ટીમ સાથે જોડાઈને પ્રેક્ટિસ શરૂ કરી દીધી છે.
-
સ્ટાર બેટર્સ: સૂર્યકુમાર યાદવ અને તિલક વર્મા પણ ફૂલ ફોર્મમાં પ્રેક્ટિસ કરી રહ્યા છે.
-
ગેરહાજર: માત્ર જસપ્રીત બુમરાહ, જેની ખોટ આખી ટીમને વર્તાઈ રહી છે.
2023 ના ઈતિહાસનું પુનરાવર્તન? (IPL Flashback)
યાદ અપાવી દઈએ કે વર્ષ 2023 માં પણ જસપ્રીત બુમરાહે પીઠની ઈજાને કારણે આખી આઈપીએલ સીઝન ગુમાવી હતી. તે સમયે મુંબઈ ઇન્ડિયન્સની બોલિંગ લાઇનઅપ પત્તાના મહેલની જેમ વિખેરાઈ ગઈ હતી. જો 2026 માં પણ આવું જ થશે, તો હાર્દિક પંડ્યા માટે કેપ્ટન્સીના ગણિત બગડી શકે છે. હાલમાં બીસીસીઆઈ કે મુંબઈ ઇન્ડિયન્સના મેનેજમેન્ટ (IPL Team Management) દ્વારા કોઈ સત્તાવાર નિવેદન આવ્યું નથી, જે સસ્પેન્સમાં વધુ વધારો કરે છે
આ પણ વાંચો :IPL 2026 : ઓરેન્જ કેપના સવાલ પર 14 વર્ષના વૈભવ સૂર્યવંશીએ આપ્યો મજેદાર જવાબ, જૂઓ VIDEO